Emon !

Emon, iku jenenge sepedaku mboh opo o kok di jenengi iku. Seng njenengi yo guduk aku, arek arek sma 6 seng njenengi, lek tak jenengi paling jenenge sepeda motor.


Ciri Ciri

Sepeda seng kecepatane paling banter paling 60, lek keadaan mati ndek dalan mudun iso sampek 100 barang. Totok ngarep sebelah kiri ganok mur e dadi uculan, dadi lek mlaku ambek nyekeli cek gak klotak klotak. Lek gas e entek iso mati barang, tau aku pas ndek stopan pas lampu abang murup terus dadak pas ijo langsung mati, mbolan mbaleni sampek peng 3(bayangno iku). Speedometer e rusak, seng gae ngecek bensin yo rusak dadi yo sering lali ngisi bensin sampek nyurung nyurung barang(bonar gelek iku ngancani aku nyurung). Mbukak jok kudu nggae kunci khusus, kunci peok bekas e gembok sepeda pancalku. Onok cara lio gae mbukak jok, lek kon perhatekno ndek plat mburi iku onok tali, lha iku tariken terus jok e bukak en. Lampu sen e saiki yo rusak, gak iso murup. Kontak e bentuk e aneh, lek gak ero tengeran e iso muter sak lap sek ket iso melbu genah. Oline bocor, ben mandek mesti onok jejak e. Skok(gak ngerti tulisane seng bener yok opo aku jeh) mesti muni ngak ngik ngak ngik. Lek pas ngerem suarane aneh. Sepedae anteng, lek gae culculan enak. Bensine irit gak karuan. Lek nang stoppan onok wong ngamen mesti di liwati, mboh opo o? padal yo lek ngamen nang aku yo gak tak kek i.

Sejarah e Emon

Lahir taun 1992 lebih tuek tekok aku, tapi aku gak ngerti tanggal lahir e. Plat e (ambek ndelok stnk, gak apal soale jeh) N 3558 AI. Diadopsi keluargaku taun 2005 an lek gak salah, tekok daerah sumbawa plat e biyen ae AE lek gak EA. Sepeda e werno abang abang mbulak totok e werno ireng, biyen pertama tuku ancen wernoe abang tapi moro ditukokno bodi(sepurane aku lek ngarani rodok ngawur) anyar, tak kiro werno opo basne yo podo ae.
Butuh perjuangan seng abot ngolehno emon, sampek berdarah darah. Polae oleh tekok duwek aku sunat, kereng yo perjuangan e. Tapi yo gak kabeh nggae duwek sunat, iku sek tambah duwek e ebesku dewe. Iku tukune pas aku kelas enem awal awal. Pertama aku males ambek emon, tapi akhir e aku sadar lek emon selalu ada saat ku membutuhkannya.

Kenangan bersama Emon

Kelas 2 smp aku mulai belajar sepedaan. Pertama iku ngetrap aku ora iso iso, sampek keringeten yo gak murup murup sepedae, wangel sumpah ! Moro tibo pertama iku pas aku ate menggol, pas iku mek siraku tok seng menggok tapi sepedae sek tetep lurus, yo nubruk wes. Akhir e iso masio isone pas gak nggae emon, emon wes berjasa nang aku.

Pas aku mari ngeterno mbakku, aku nyobak culculan tangan 2. Ndek enggok megaya aku tapi moro moro onok jeglongan, tur ! tibo wes, tibo iku emon sek keadaan murup, ganok seng nulungi pisan, jasik ! Tangi langsung ngadekno emon moleh wes. Moleh raine muelas ambek ngomong seng dramatis "pak aku mari tibo". Keajaiban terjadi, sakdurunge tibo knalpot e emon miring tapi mari tibo knalpot e langsung lurus !! keren ya !

Mbolang pertama ambek emon iku nang cangar. Budal e aku goro nang memesku, ngomonge nang omae koncoku. Pas kenek dalan munggah rodok slowly. Ate nabrak pikep barang iku, slamet rem e emon pas iku pakem, aspal ae sampek ireng kenek bekas e ban. Ndek dalan suarane sampek mbledos mbledos, jarene koncoku kepanasen.

Terus budal nang tamban berdua ambek emon. Seru ancen, opo maneh pas ndek jalur lintas selatan aku iso ngadek ambek culculan. Tapi moleh e ben 2 kilo ono mati, di benak no yo podo ae. Akhire sampek fly over sma 2 nyurung wes.

Mbolang nang trisula, kentekan bensin dadi mbolak mbalik, akhir e nyusung gantian ambek mbah yudhi. Dalane gak munggah nemen pisan.

Pas budal kerjo nang telecenter ambek bonar, radiator e rusak. Jare bonar "iki kualat wingi telat alasan sepeda mogok paling pep". Sorone maneh pas iku gak nggowo duwek, dadi ninggal stnk ndek kono.

Nang payung ambek zen, musili, bonar. Ndek omah wes tak cek bensin e sek onok. Terus pas tekok tlogomas kok rodok mbrebet, tapi iso mlaku maneh. Terus pas tekok batu mandek wes gak iso murup blas. Aku megaya, busi busi di copot di gosok i di ganti. Tapi Akhir e aku ero opo o kok mati, BENSIN !!!

Tau biyen ate di ijolno sepeda, aku yo gak gelem ta, wes cinta mati ambek emon. Akhir e aku njalok laptop (di jenengi leppy ambek petek) ae gae nambah keluarga. Onok peppy, emon, leppy, ambek hp nokia 1600(durung di jenengi). Kita akan selalu bersama !

Sektas sektas iki emon melok film aktinge apik pol masio dadi figuran, iso alami ono lho gak di gae gae. Bakat akting koyok e

cuplikan film yang di mainkan oleh emon

Ngeterno koncoku yo ambek emon. Sekolah saiki yo ambek emon. Sek akeh cerito tekok emon. Tapi akeh akeh e nyurung ! haha, sayange emon jarang tak umbah (sepurane yo mon). Kadang megelno ancen tapi yo yok opo maneh, emon iku seng onok di syukuri ae opo onok e. Opo maneh pas aku mulai psg, emon bendino ambek aku, nangdi nangdi mesti ambek emon wes ganok isin isin an. Soro urepku lek ganok emon, sedino ganok emon ae aku susah. Ancen keren kon mon !!